මානව ඕරාව සහ සප්ත චක්‍ර

පුරාණයේ දී සුෂිවරුන් හට කිසියම් වූ පුද්ගලයෙක් දුටු  විගස එම පුද්ගලයා සතු ගති ලක්ෂණ, ලෙඩරෝග, ආබාධ වැනි දෑ අවබෝධ කරගැනීමට හැකියාවක් තිබූ බව අප දන්නා කරුණකි. මෙම විශ්ලේෂණය සිදුකිරීම සඳහා ප්‍රධාන වශයෙන් සෘෂිවරුන් යොදාගෙන ඇත්තේ මානව ශරීරය තුළින් පිට වන ආලෝක කිරණ පද්ධතියයි. මෙය මිනිසාගේ ස්නායු පද්ධතිය ආශ්‍රිතව ඇතිවන විද්‍යුත් චුම්බක තරංග ක්‍රියාවලියක් මගින් නිර්මාණය වන්නාවූ වර්ණ තරංග පද්ධතියකි. මෙය මානව ඕරාව ලෙස හඳුන්වනු ලබයි.

සූර්යයාගේ ආලෝක කිරණ වර්ණ හතකින් සමන්විත බව අප දන්නා කරුණකි. නමුදු මෙම වර්ණ පියවි ඇසට දැක ගැනීම සඳහා සූර්ය කිරණ ප්‍රිස්මයක් හරහා යැවිය යුතු වේ. එසේම සූර්යයාගේ කිරණ ජලවාෂ්ප හරහා ගමන් කිරීම මගින් දේදුන්න නිර්මාණය වන අතර එමඟින් ද සූර්යයාගේ මෙම වර්ණාවලිය දැකගත හැකි වේ. එලෙස සූර්යයාගේ වර්ණ දැක ගන්නා සේ, මානව ඕරාවේ පවතින මෙම වර්ණ දැක ගැනීම සඳහා ආධ්‍යාත්මික සිත දියුණු කරගත යුතු වේ.

මෑත දශක කිහිපයකට පෙර රුසියානු ජාතික සිමියොන් කිරිලියන් වැනි විද්‍යාඥයින් විසින් තාක්ෂණික වශයෙන් ඕරාව හඳුනාගැනීම සඳහා පර්යේෂණ පවත්වා, ගත් ආරම්භක උත්සාහයන්ගෙ ප්‍රතිඵල ලෙස වර්තමානය වන විට  මිනිසාගේ ශරීරය වටා පවතින මෙම ආලෝක පද්ධතිය පරික්ෂා කිරීම සඳහා උපකරණ නිර්මාණය කර ඇත. අධ්‍යාත්මික ඉහල තලයක නොමැති පුද්ගලයන් හට පවා මෙම මානව ඕරාව පරීක්ෂා කර ගැනීම සඳහා එවැනි උපකරණ හෝ නිර්මාණය කර තිබීම ඉතා අගනේය. නමුත් අප තුළ පවතින අත්දැකීම් හා පුරාණ දැනුම අනුව මෙම උපකරණයක් මඟින් මිනිසාගේ ශරීරය වටා පවතින ආලෝක කිරණ ද්ධතියේ පවතින සියලු ශක්ති ශ්‍රේෂ්ත්‍ර ආවරණය නොවන බව කිව යුතුය. ඒ සඳහා ආධ්‍යාත්මිකව සිත ඉහළ මට්ටමක පැවතිය යුතුමය.

ප්‍රධාන වශයෙන් මානව ඕරාව තුළ පවතින වර්ණ 7 පහත දැක්වේ.

1. රතු 
2. තැඹිලි
3. කහ
4. කොළ
5. ලා නිල්
6. ඉන්දිගෝ
7. දම්

මෙම රැස්මාලාව මිනිසාට පමණක් නොව සතුනට ගස්වැල් වලට  පවා පවතින අතර මානව ඕරාව  මේ අතරින් සුවිශේෂී වේ. මානව ඕරාව ප්‍රධාන වශයෙන් සම්බන්ධ වී ඇත්තේ ආධ්‍යාත්මික ශරීරය සමඟයි. එසේම එහි ඇති අසමතුලිතතාවයන් නිසා භෞතික ශරීරයට බලපෑම් ඇති වෙනවා සේම භෞතික ශරීරයේ ඇති අසමතුලිතතාවයන් ද මෙම මානව ඕරාවේ ඇති ශක්ති ක්ෂේත්‍රයන් අසමතුලිත වීමට බලපායි. එබැවින් අධ්‍යාත්මික ශරීරය හා භෞතික ශරීරය අතර පවතින අන්තර් සම්බන්ධතාවය ඉතාමත් පැහැදිලිව අවබෝධ කරගත හැක.

මෙම ආලෝක ධාරාවන් නිකුත්කරන භෞතික ශරීරයේ පවතින ස්ථාන හතක් සම්බන්ධයෙන් ප්‍රධාන වශයෙන් කතා කළ යුතුය. මනුෂ්‍යයාගේ  පවතින ප්‍රධාන ප්‍රාණය රැඳෙන මංසන්ධි 7 සප්ත චක්‍ර ලෙස හඳුන්වනු ලබයි. මෙම ආලෝක ධාරාවන් මෙම සප්ත චක්‍ර පවතින ස්ථාන තුළින් වෙන් වෙන් වශයෙන් සංකලනය වී මුළු සිරුර පුරාම පවතී. ඒ එ චක්‍ර  හා ඊට අදාල වර්ණයන් පහත දැක්වේ.

1. රතු 

+ සිංහල = මූලාධාර චක්‍රය
+ English = Base Chakra
+ ස්ථානය = කොදු නාරටිය කෙලවර

2. තැඹිලි

+ සිංහල = ස්වාධිස්තාන චක්‍රය
+ English = Root Chakra/ Sacral
+ ස්ථානය = නාභිය

3. කහ

+ සිංහල = මනිපූර චක්‍රය
+ English = Navel Chakra/ Solar Plexus
+ ස්ථානය = ආමාශය

4. කොළ

+ සිංහල = අනාගත චක්‍රය
+ English = Heart Chakra
+ ස්ථානය = හදවත

5. ලා නිල්

+ සිංහල = විශුද්ධා චක්‍රය
+ English = Throat Chakra
+ ස්ථානය = උගුර

6. ඉන්දිගෝ

+ සිංහල = ආඤා චක්‍රය
+ English = Third Eye Chakra
+ ස්ථානය = පිටියුටරි ග්‍රන්ථියේ කේන්ද්‍රයේ

7. දම්

+ සිංහල = සහශ්‍ර චක්‍රය
+ English = Crown Chakra
+ ස්ථානය = හිස මුදුන

මෙහිදී මෙම චක්‍ර දුර්වල වූ විට ඊට අදාලව භෞතික ශරීරයට හා අධ්‍යාත්මික මනසට බලපෑම් ඇති කරන අතර චක්‍ර බලගැන්වීම සඳහා මානව ඕරාව බලසම්පන්න කිරීම සිදු කළ හැක. ඒ සඳහා විවිධ භාවනා ක්‍රම, යෝගා, ශබ්ද තරංග විද්‍යාවේ භාවිතයන්, මැණික් භාවිතය, ආධ්‍යාත්මය ක්‍රියාත්මක වන ආගමික ක්‍රියාකාරකම්, ආලෝක විද්‍යාවේ භාවිතයන්, බහුතික චින්තන ක්‍රමවේදයේ භාවිතයන්, මන්ත්‍ර විද්‍යාවේ භාවිතයන් යොදා ගත හැක. එසේම ඉහත සඳහන් කළ විවිධ ක්‍රමවේදයන්හි සංයෝජන වශයෙන් ද භාවිතයන් පවතී. උදාහරණ වශයෙන් භාවනා කිරීම සඳහා සුදුසු මැණික් වර්ග භාවිතා කිරීම හැඳින්විය හැකිය.

මෙහිදී අප මතක තබා ගත යුතු කරුණක් වන්නේ විවිධ ක්‍රමවේද භාවිතා කිරීම තුලින් චක්‍ර අවධි කර ගැනීම සඳහා උත්තේජනයක් ලබාදීම සිදු වුව ද සප්ත චක්‍ර පද්ධතිය පරිපූර්ණ වශයෙන් අවධි වීම සඳහා ප්‍රධාන වශයෙන් බලපාන්නේ  ඔබේ ආධ්‍යාත්මික දියුණුව යි. ඒ සඳහා කළ හැකි ඉහළම ක්‍රියාකාරකම භාවනා කිරීමයි. නමුදු පෙර ආත්ම භව වලදී හෝ පුරුදු පුහුණු නොකල පුද්ගලයින් චක්‍ර අවදි කරගැනීම සඳහා භාවනා කිරීමේදී නිවැරදි ගුරුවරයකු ගේ උපදෙස් මත එම භාවනාවන් කරන ලෙස මා ඉල්ලා සිටිමි.

මානව ඕරාව සහ චක්‍ර පිළිබඳ ව කිසියම් වූ අවබෝධයක් ඉහත කරුණු මත ඔබට ලැබෙනු ඇත. මානව ඕරාව දුර්වල වීම තුළින් මුලින්ම මානසිකව බලපෑම් ඇතිවන අතර ඒ හරහා භෞතික ශරීරයට ද බලපෑම් ඇති කරයි. උදාහරණ වශයෙන් ඔබ තුළ වෛරය, ඊර්ෂ්‍යාව වැනි ඍණාත්මක හැඟීම් ඇති වන විට ඔබගේ හදවත‍් චක්‍රයට අදාළ ඕරාවේ හරිත වර්ණය දුර්වල ලෙස පෙන්නුම් කරයි. එය මානසික බලපෑමකි. එසේම ඔබගේ හෘදය ආශ්‍රිතව රෝගාබාධයක් පවතී නම් ඔබගේ හෘද චක්‍රය ට අදාළව මානව ඕරාවේ හරිත වර්ණය දුර්වල ලෙස පෙන්නුම් කරයි. එය භෞතික බලපෑමකි. එසේනම් මානව ඕරාව උත්තේජනය කළ හැකි නම්, මෙම මානසිකව හා භෞතිකව ඇතිවන රෝගාබාධ හෝ ගැටළු සඳහා එය උපකාරි වන බව දැන් ඔබට පැහැදිලි වනු ඇත.

මෙවැනි මානව ඕරාව දුර්වල වීම නිසා ඇතිවන රෝගාබාධයන් හෝ මානසික තත්වයන් අවම කරගැනීම හා වළක්වා ගැනීම සඳහා මානව ඕරාව උත්තේජනය කළ හැකි විවිධ මැණික් පාෂාණ භාවිතය පුරාණ කාලයේ පටන් සිදුකරයි. ඒවා සම්බන්ධයෙන් ජෝතිෂ්‍යය ශාස්ත්‍රයේ මෙන්ම, ආයුර්වේද වෛද්‍ය විද්‍යාවේද පුරාණ සෘෂිවරුන් විසින් සදහන් කොට ඇත. එසේම වර්තමානය වන විට විවිධ අරමුණු සඳහා මැණික් භාවිතා කිරීමේදී පුද්ගල ඕරාව උත්තේජනය කිරීම සඳහා මැණික් භාවිතා කිරීමට පුද්ගලයන් පෙළඹ ඇත. නමුත් මෙම කාරණාව ඇතැම් පුද්ගලයින් සෘණාත්මක අලවිකරණ කටයුතු සඳහා භාවිතා කරන අතර ඇතැම් පුද්ගලයින් උපරිම සද්භාවයෙන් සිදුකරනු ලබයි.  මානව ඕරාව උත්තේජනය කිරීම සඳහා මැණික් භාවිතය සම්බන්ධව ඉදිරි ලිපි වලදී බලාපොරොත්තු වන්න.

©astrogem_lanka කතෘ අයිතිය සුරකින්න

Tagged : / /

පුෂ්පරාග

ජෝතිෂ කරුණු අරමුණු කරගෙන මැණික් පැළඳීමේදී නැතුවම බැරි මැණික් විශේෂයක් ලෙස පුෂ්පරාග බහුලව භාවිතා වේ. එලෙසම ලොව පුරා ආභරණ සඳහා බහුලව භාවිතා වන කුරුවින්ද පවුලට අයත් රන්වන් කහ පැහැයේ සිට අඩු කහ පැහැය දක්වා වර්ණ පරාසයන්ගෙන් සමන්විත ඉතා අනර්ඝ මැණිකක් ලෙස පුෂ්පරාග හැඳින්විය හැක. කුරුවින්ද පවුලෙ මැණික් වල ප්‍රධාන වශයෙන් අඩංගුව ඇති ඇලුමිනියම් ඔක්සයිඩ් රසායන සංයුතිය සමග අයන් වර්ණ රසායනය අඩු වැඩි වශයෙන් අඩංගු වීම තුළින් මෙම මැණිකට කහ වර්ණය ලැබී ඇත. මෙහි රන්වන් කහ පැහැයෙන් යුතු පුෂ්පරාග මැණික් ඉතා මිල අධික වන අතර ගුණාත්මක භාවයෙන් වැඩි අලංකාර පුෂ්පරාග මාණික්‍යයන් බහුලව හමුවන ප්‍රධාන රටක් ලෙස ශ්‍රී ලංකාව හැඳින්විය හැක. එසේම මැඩගස්කරය, ටැංසානියාව, ඉතියෝපියාව, මියන්මාරය, ඕස්ට්‍රේලියාව, ඉන්දියාව, අප්‍රිකාව වැනි රටවල ද සාමාන්‍යය ගුණාත්මකභාවයකින් යුතු පුෂ්පරාග හමුවේ. ජ්‍යොතිෂය භාවිතයේදී ගුරු ( බ්‍රහස්පති ) ග්‍රහයා සඳහා නියමිතව ඇති මැණික ලෙස පුෂ්පරාග නිරන්තරයෙන් ශ්‍රී ලංකාව සහ ඉන්දියාව තුළ පැළඳීමට යොදාගනී. එමෙන්ම ඇතැම් රෝගාබාධ සඳහාද ස්ඵටික සුව කරන්නන් විසින් පුෂ්පරාග පැළඳීම නියම කරනු ලබයි. ඇතැම් පුද්ගලයින් අලංකාරය සඳහාත්, ධනවත් භාවය පෙන්වීම සඳහාත්, ආයෝජන වශයෙන් ද පුෂ්පරාග මිලදී ගැනීම දැකගත හැක. ආයෝජන වශයෙන් මිලදී ගැනීමේදී ගුණාත්මකභාවයෙන් ඉහළ, අනාගත වෙළඳපල අගය ඉහළ යා හැකි යැයි උපකල්පනය කළ හැකි, මැණික් මිලදී ගැනීම සිදුකරනු ලබයි. මැණික් ව්‍යාපාරයෙ යෙදෙන වෙළදුන් හැරුණුකොට ආයෝජන අරමුණින් මැණික් මිලදී ගැනීම, මෑත කාලයේ දී ඇති වූ නව ප්‍රවණතාවයකි. පුෂ්පරාග මැණිකහි ඇති වර්ණ තරංගමය ශක්තිය, රසායනික සුව කිරීමේ හැකියාව හා කම්පන ශක්තිය මගින් විවිධ ආකාරයෙන් මිනිසාගේ භෞතික ශරීරය සහ ආධ්‍යාත්මික ශරීරය සමග ක්‍රියා කිරිම නිසා විවිධ ප්‍රතිලාභ ලබාගත හැකිවේ.
පුෂ්පරාග මැණිකහි පවතින වර්ණ තරංගමය ශක්තිය හා කම්පන ශක්තිය මගින් මනිපුර චක්‍රය උත්තේජනය කරන බැවින් එය මානසික ඒකාග්‍රතාවය වැඩිදියුණු වීම, ආමාශය හා වකුගඩු ආශ්‍රිත රෝගාබාධ අවම වීම, ඥාන සම්පන්නව සිතීමේ හැකියාව, ශරීරයේ සංසරණ පද්ධතීන් හි නිසි ක්‍රියාකාරීත්වය ඇතිවීම වැනි බොහෝ ප්‍රතිලාභ හිමිවේ. එසේම පුෂ්පරාග මැණිකහි ඇති රසායනික සුව කිරීමේ හැකියාව මගින් යකඩ ඌනතාවයෙන් පෙළෙන පුද්ගලයින් සඳහා එය අවම කර ගැනීම සඳහා උපකාරී වේ. එසේම වර්ණ තරංගමය හා කම්පන ශක්තිය මගින් ගුරු ග්‍රහයාගේ ශක්තිය ජනනය කරන බැවින් ජ්‍යොතිෂයේදී ඉතා බහුලව පුෂ්පරාග මැණික භාවිතා වෙයි. එසේම භෞතික ශරීරයට හා ආධ්‍යාත්මික ශරීරයට එල්ල වන අහිතකර කිරණ වලින් ආරක්ෂා වීමට ද මෙහි ඇති තරංගමය ශක්තිය උපකාරී වේ. ජ්‍යොතිෂයේදී මැණික් නියම කිරීම් පුරාණ ඍෂිවරුන් විසින් ග්‍රහ තරංග මගින් ඇතිවන බලපෑම, මැණික් තුළින් නිකුත් වන ශක්තිය හා ගුණ නුවණින් දැක, ඉදිරි පරම්පරාවන් සඳහා සටහන් කොට ඇති අතර ඇතැම් ඥාන සමුදායන් පරම්පරාවෙන් පරම්පරාවට කට වහරින් දායාද වේ. ඉදිරි ලිපි වලදී මැණික් සම්බන්ධ සුවකිරීම් හා භාවිතයන් පිළිබඳ පළ කිරීමට බලාපොරොත්තු වන්නෙමු

කතෘ අයිතිය සුරකින්න ©astro_gem_lanka

දුරකථන,
+94 76 62944 53 ( වයිබර් / වට්ස්ඇප් )
වෙබ් අඩවිය,
astrogemlanka.weebly.com
විද්‍යුත් තැපෑල,
astrogemlanka@gmail.com

Tagged : /

මැණික් හා ශ්‍රී ලංකාවේ මැණික් කර්මාන්තය

අලංකාරය, දුර්ලභත්වය හා දෘඩතාවය යන ප්‍රධාන ලක්ෂණ තුනෙන් සමන්විත ආභරණ සෑදීම හෝ වෙනත් සැරසිලි සඳහා යොදා ගැනෙන පාෂාණ හෝ තෝරාගත් අස්ඵටික ද්‍රව්‍ය මැණික් ලෙස හැඳින්විය හැක. අස්ඵටික යනුවෙන් හදුන්වනුයේ ස්ඵටික ස්වරූපයෙන් නොවූ සත්ව කොටස් හෝ ජීව විද්‍යාත්මක ක්‍රියාවලීන්ට ලක් වී නිර්මාණය වූ මැණික් විශේෂයි. උදාහරණ වශයෙන් මුතු, කොරල්, ඇම්බර්, ජෙට්, ඇමලයිට් වැනි මැණික් විශේෂ ගත හැක.

2500කට අධික මැණික් වර්ගයන් දැනට ලොව පුරා සොයාගෙන ඇත. නමුත් ආභරණ සඳහා යොදාගැනෙන්නේ මැණික් වර්ග කිහිපයකි. ඊට හේතුව ඇතැම් මැණික් වර්ග වල පවතින දුර්වල දෘඩතාවය නිසාය. ඇතැම් මැණික් වර්ග අලංකාරය, දුර්ලභ බව යන මැණිකක් සතු ප්‍රධාන ලක්ෂණ තුනෙන් දෙකක්ම අඩංගු වුවත්, දෘඩතාවයේ පවතින දුර්වලකම නිසා ආභරණ සඳහා යොදා නොගැනෙන අතර වටිනාකමින්ද අඩු අගයක් ගනී. 

ඇතැමුන් අලංකාරය සඳහා මැණික් මිලදී ගනියි. තවත් සමහරක් පිරිස තම ධනවත් භාවය, පොහොසත් භාවය පෙන්වීම සඳහා භාවිතා කරයි. තවත් සමහරක් ආයෝජන ලෙස මැණික් මිලදී ගනු ලබයි. ඒ වගේම අහිතකර කිරණ වලින් ආරක්ෂා වීම සඳහා ඇතැමුන් මැණික් භාවිතා කරයි. තවත් පිරිසක් මැණික් සතුව ඇති සුව කිරීමේ හැකියාව නිසා ඖෂධයක් ලෙස භාවිතා කරයි. කෙසේ හෝ අතීතයේ සිට අද දක්වා මැණික් කර්මාන්තය නොනැසී ඉදිරියට ගමන් කරයි. 

මැණික් සම්බන්ධව කතා කිරීමේදී ඉතා ඈත ඉතිහාසයකට උරුමකම් කියන ප්‍රධාන රට වන්නේ ඉන්දීය සාගරයේ මුතු ඇටය වන ශ්‍රී ලංකාවයි. අතීතයේදී ශ්‍රී ලංකාව රත්නදීපය ලෙස හඳුන්වනු ලැබුවේ ඉතා දුර්ලභ, වටිනාකමින් වැඩි, ගුණාත්මකභාවයෙන් ඉහල බොහෝ මැණික් වර්ගයන් ශ්‍රී ලංකා භූමිතලය තුළින් හමුවූ බැවින්ය. එමෙන්ම ශ්‍රී ලංකා ඉතිහාසයේ පැරණිම වෙළදාම ලෙස මැණික් ව්‍යාපාරය හඳුනාගෙන ඇත. එමෙන්ම ශ්‍රී ලංකාවෙන් වෙනත් රට වලට මැණික් අපනයනය කර ඇති බවට ඉතිහාස සාක්ෂි සාධක වල පවා සටහන් වී ඇත. ශ්‍රී ලංකාව තුළ බහුලව උසස්ම ගණයේ කුරුවින්ද පවුලේ මැණික් පඩියන් අඹතෙස් හා අනෙකුත් බොහෝ වර්ගයන්හි මැණික් හමුවූ බව මාකෝපෝලෝගෙ සටහන්වල දක්වා ඇත. එමෙන්ම දෙවන ශතවර්ෂයේ කුරුවින්ද පවුලේ සහ තරිප්පු පවුලේ මැණික් හමුවන ප්‍රධානම ස්ථානය ලෙස ශ්‍රී ලංකාව පී ටොලමි විසින් සඳහන් කර ඇත. 

කතෘ අයිතිය සුරකින්න ©astro_gem_lanka

දුරකථන,
+94 76 62944 53 ( වයිබර් / වට්ස්ඇප් ) 
වෙබ් අඩවිය, 
astrogemlanka.weebly.com 
විද්‍යුත් තැපෑල,
astrogemlanka@gmail.com

Tagged : / /

නිල් මැණික්

මැණික් කුලයන් තුළ අනර්ගතම මිණිකැටයක් වූ නිල් පැළඳීමෙන් පුද්ගලයකුට මුදුන්පත් කරගත හැකි අභිලාෂයන් බලාපොරොත්තු බොහෝ ඇති බව අත්දැකීමෙන් හා ජෝතිෂ්‍යවිදයානුකුලව විග්‍රහ කර ඇති අතර යම් අයෙකුගේ කීර්තිය හා ප්‍රසිද්ධිය ලඟා කරගැනීමට නිල් මැණික් පැළඳීමෙන් මහත් වූ ප්‍රතිපල ලබාගත හැකි බව පෙර අපරදිග වෙසෙන සුප්‍රසිද්ධ පුද්ගලයින්ගේ ජීවිත තුලින් පෙන්වාදී ඇත.

ඇතැම් ආගමික පූජකවරුන් , ජ්‍යෝතිෂවේදීන්, දේශපාලකයන්, කලාකරුවන්, ව්‍යාපාරිකයින් මෙන්ම ලොවේ ජනප්‍රියත්වයේ හිනිපෙත්තේ සිටින්නන්ගේ තේරීම වී ඇත්තේ නිල් මැණික් ය. 

සිතේ පවතින ව්‍යාකුලතාවයන් සමනය කර ඉවසීම , සන්සුන්බව ප්‍රගුනකිරීමට සහය වීම නිල් මැණික් සතුව ඇති විශේෂ ගුණාංගයකි.

ඉහත කී කාරණා සඳහා විශේෂයෙන් ම බලපානු ලබන්නේ නිල් මැනික් සතුව ඇති වර්ණ තරංගමය ශක්තිය, කම්පන ශක්තිය හා රසායනික සංයුතියේ ඇති සුව කිරීමේ හැකියාව වැනි ගුණාංග වේ. 

නිල් මැණික තුළ ඇති වර්ණ තරංග ශක්තිය කම්පන ශක්තිය හා මුසු වී සෙනසුරු ග්‍රහයාගේ ශක්තිය ජනනය කිරීමට හැකිවීම නිසා සෙනසුරු ග්‍රහයාගේ බලපෑම් අවම කිරීමට උපකාරී වේ. 

නිල් මැණික තුළ පවතින කම්පනය ශක්තිය නිසා ශරීරයෙහි සංසරණ පද්ධතීන් හි නිසි ක්‍රියාකාරිත්වයට දායක වීම නිසා මානසික පීඩනය අවම වීම සංසරණ පද්ධතීන් හි නිසි ක්‍රියාකාරීත්වය ඇති කිරීම වැනි සෞඛ්‍යයට යහපත් ගුණාංග රැසක් නිල් මැණික තුළ පවතී. 

එමෙන්ම නිල් මැණික තුළ පවතින ඇලුමිනියම් ඔක්සයිඩ් හා iron titanium යන මූලද්‍රව්‍ය වල රසායනික බලපෑම මත විවිධ රෝගාබාධයන් සුව කිරීමට නිල් මැනික් සතුව හැකියාව ඇත. 

එමෙන්ම නිල් මැනික් විශුද්ධි හා ආඥා යන චක්‍ර උත්තේජනය කරන බැවින් උගුර හා නළල ආශ්‍රිත රෝගාබාධයන් සුව වීමේ හැකියාවක් පවතින අතර සන්නිවේදන හැකියාව වැඩි දියුණු වෙයි

කතෘ අයිතිය සුරකින්න ©astro_gem_lanka


දුරකථන,
+94 76 62944 53 ( වයිබර් / වට්ස්ඇප් ) 
වෙබ් අඩවිය, 
astrogemlanka.weebly.com 

විද්‍යුත් තැපෑල,

astrogemlanka@gmail.co

Tagged :